Misir müdafiə sərgisində kiçik PUA-larla mübarizə üçün yerli texnologiya nümayiş etdirilib

Misir müdafiə sərgisində kiçik PUA-larla mübarizə üçün yerli texnologiya nümayiş etdirilib
287     15:34     04 12 2021    
Misir şirkəti mini və mikro PUA-ları 4 kilometrə qədər məsafədə saxlayan DJ-400 adlı antidron sistemini təqdim edib.

“Defense news” nəşri yazır ki, Ərəb Sənayeləşmə Təşkilatı yerli istehsal edilən bu texnologiyanı noyabrın 29-dan dekabrın 2-dək keçirilən Misir Müdafiə Sərgisində nümayiş etdirib.

DJ-400 PUA-nın uzaqdan idarə olunması, məlumatların ötürülməsi və qlobal naviqasiya peyk sistemləri ilə bağlı siqnalları bloklayır. Qallium nitrid tranzistor texnologiyasına əsaslanan rəqəmsal tezlik sintezindən və güc qurğusundan istifadə edir.

Misirdə sınaqdan keçirilmiş DJ-400-ün orduda xidmətə girəcəyi gözlənilir. Müqavilə və ya çatdırılma qrafiki ilə bağlı əlavə təfərrüatlar mövcud deyil.

“Bu sistemin əhəmiyyəti onun modulluğudur, sistem sürü hücumlarına qarşı da hərtərəfli qoruma təmin edir”, - deyə şirkət rəsmiləri bildirib.

Sərgi zamanı “Benha Electronics” şirkəti də “Uavsub” adlı öz antidron sistemini nümayiş etdirib. Şirkət Misir Hərbi İstehsal Nazirliyinin tabeliyindədir. Sistemin uğurla sınaqdan keçiriliyi bildirilir. “Uavsub” tezliklə ölkənin silahlı qüvvələrinə təhvil veriləcək.

“Uavsub” iki konfiqurasiyaya malikdir: 5 kilometr məsafəyə malik G0A və 30 kilometr məsafəyə malik G0B. Bu sistem mini və mikro PUA-ları idarə etmək üçün istifadə edilən peyk naviqasiya siqnallarına müdaxilə edərək platformada nasazlığın yaranmasına səbəb olur.
Strategyvision.org

Teq: Misir   PUA  


Oxşar məqalələr
Son əlavə olunanlar