ABŞ Çin təhdidinə qarşı Cənub-Şərqi Asiya ölkələrini silahlandırır: İndoneziyaya PUA-lar hədiyyə edilib

PUA-lar ABŞ tərəfindən hədiyyə edilib. Neçə PUA-nın təhvil verildiyi barədə məlumat verilməyib. Nəşr yazır ki, ən azı 8 PUA tədarük edib.

PUA-lar ABŞ hökuməti tərəfindən Cənub-Şərqi Asiya donanmaları üçün Dəniz Təhlükəsizliyi Təşəbbüsü (MSI) çərçivəsində qrant kimi verilir.

Proqram çərçivəsində İndoneziyadan başqa Malayziya, Filippin, Vyetnama da PUA-lar tədarük ediləcək.

Təxminən 3 milyon dollar dəyərində olan “ScanEagle” 20 saatdan çox uçuş müddətinə malikdir və aşağı hündürlükdə uçaraq müşahidə əməliyyatları apara bilir.

2019-cu ilin aprel ayında "Boeing"in törəmə şirkəti olan "Insitu" və ABŞ ordusu arasında MSI proqramı çərçivəsində İndoneziyaya ilk altı "ScanEagle 2" və əlaqədar avadanlıqların tədarükü üçün 9.9 milyon dollarlıq müqavilə imzalanıb.

Ardınca daha 34 PUA-nın və əlaqədar avadanlıqlarla bağlı 47.9 milyon dollarlıq saziş imzalanıb. Sonucu müqavilədə nəzərdə tutulan PUA-ların 12-si Malayziya, 8-i Filippin, 8-i İndoneziya, 6-sı Vyetnama tədarük ediləcək.

Taktiki-Texniki Xüsusiyyətləri

Ekipaj: 0 nəfər
Uzunluq: 1.55-1.71 m
Qanad genişliyi: 3.11 m
Çəkisi: 14–18 kq
Maksimum qalxma çəkisi: 22 kq
Mühərrikin gücü: 1,5 at gücü
Maksimum sürət: 148 km / saat
Uçuş müddəti: 24+ saat
Əməliyyat hündürlüyü: 5,950 m