Estoniyadan Tailanda “THeMIS” insansız quru platforması tədarükü

Şirkətin baş direktoru Kuldar Varsi bildirib ki, platformalar ölkənin Müdafiə Texnologiyaları İnstitutuna təhvil verilib. Sistemlər yaxın gələcəkdə Tailand Ordusu və İnstitut tərəfindən sınaqdan keçiriləcək və qiymətləndiriləcək.

“THeMIS” manevr qüvvələrinə birbaşa atəş dəstəyi verir. İnteqrasiya edilmiş uzaqdan idarəolunan döyüş modulu ilə onlar gecə-gündüz geniş ərazilərdə yüksək dəqiqliyi təmin edir, Platforma yüngül və ya ağır pulemyotlarla, 40 mm-lik qumbaraatanlarla və Tank Əleyhinə Raket Sistemləri ilə təchiz oluna bilər.

İnsansız quru platformaları artıq 12 ölkə, o cümlədən bir neçə NATO üzvü tərəfindən alınıb.