Türkiyə “Ulaq” insansız dəniz platformalarının atış sınaqlarını keçirib - VİDEO

 Türkiyə “Ulaq” insansız dəniz platformalarının atış sınaqlarını keçirib -  VİDEO
943     13:02     25 01 2022    
Türkiyənin “Ares” gəmiqayırma şirkəti və METEKSAN ölkənin ilk silahlı insansız dəniz platforması hesab olunan “Ulaq”ın 12,7 mm çaplı uzaqdan idarə olunan silah sistemləri ilə atış sınaqlarını keçirib.

Ssınaqlar uğurla tamamlanıb. 2021-ci ildə dünyada ilk dəfə raket ataraq hədəfini məhv edən “Ulaq” insansız dəniz platformaları yeni uzaqdan idarə olunan silah sistemi ilə baza və limanları daha yaxşı qoruya biləcək.

Saatda 65 kilometr sürətlə hərəkət edən və məsafəsi 400 kilometr olan “Ulaq” Türkiyənin ilk silahlı insansız dəniz platformasıdır.

Şirkət rəsmisi Utku Alanc televiziyaya müsahibəsində platformanın 90%-nin yerli istehsal olduğunu bildirib. Platformalar kəşfiyyat, müşahidə, nəzarət, suüstü müharibə, asimmetrik müharibə, müşayiət missiyaları və strateji infrastrukturun qorunması üçün istifadə oluna bilər. “Cirit” və “L-Umtas” raketləri ilə təchiz edilən “Ulaq”, həmçinin radioelektron mübarizə vasitələri ilə qorunur. Türkiyə istehsal prosesi üçün araşdırma və konsepsiya tədqiqatları da daxil olmaqla, ULAQ-ın inkişafına 2018-ci ildə başlayıb. 2020-ci ilə qədər isə prototip hazırlanıb. Uzunluğu 11 metr olan gəmi 4 lazerlə idarə olunan “Cirit” raketi və 2 lazerlə idarə olunan uzun mənzilli tank əleyhinə raketlə təchiz edilib. Platforma zərbə və müşahidə PUA-ları ilə birgə əməliyyatlarda iştirak edə bilər.

Taktiki-Texniki Xüsusiyyətləri

Ekipaj: 0
Gövdənin uzunluğu: 11 m
Faydalı yükü: 2000 kq
Silah yükləri: UMTAS, L-UMTAS və Cirit raketləri
Maksimum sürət: 65 km / saat
Məsafəsi: 400 km
Rabitə məsafəsi: 200 km
Funksiyaları: Kəşfiyyat, müşahidə, suüstü müharibə, Hava Hücumundan Müdafiə müharibəsi, radioelektron mübarizə, sualtı müharibə


Strategyvision.org

Teq: Türkiyə   Ulaq  


Oxşar məqalələr
Son əlavə olunanlar