Polşa ordusu bu il daha çox PUA alacaq

Polşa Müdafiə Nazirliyinin saytında dərc edilən məlumata görə, nazir Mariuş Blaşçak deyib ki, Polşa Ordusu üçün PUA alınması müqaviləsini təsdiqləyib.

O, PUA-ların ölkə daxilində istehsal edildiyini bildirib.

“Şübhə yoxdur ki, PUA-lar müasir döyüş meydanında son dərəcə zəruri və vacibdir. Bugünkü münaqişələri izləyən hər kəs bilir ki, onlardan istifadə olunur və mühüm silahdır”, - deyə nazir qeyd edib.

Nazir “Wizier” kod adı altında mini PUA sistemlərinin tədarükü üçün müqaviləni təsdiqləyib. Müqavilə logistika və təlim paketi ilə birlikdə bu PUA-ların 25 dəstinin çatdırılmasını nəzərdə tutur.

“Wizier” PUA-ları elektro-optik başlıqlardan istifadə etməklə təsvirin tanınması (IMINT) sahəsində Quru Qoşunları və Xüsusi Təyinatlı Qüvvələrin ehtiyacları üçün nəzərdə tutulacaq.

Taktiki-Texniki Xüsusiyyətləri:
Uçuş müddəti: 4 saat
Uçuş məsafəsi: 35 km
Faydalı yükdaşıma qabiliyyəti: 1.5 kq