Hindistan Ordusu 120 ədəd “gəzən sursat” almaq niyyətindədir

Hindistan mətbuatının məlumatına görə, “gəzən sursatlar” artilleriya bölmələrinə statik və hərəkət edən hədəfləri dəqiqliklə aşkar etmək, vurmaq və məhv etməkdə kömək edəcək.

Ordu gecə-gündüz hədəfləri dəqiq məhv edə bilən sursatların alınması üçün təcili tələb elan edib.

“Gəzən sursatlar” üçün tələb olunan xüsusiyyətlər:

Mənzil: 40 Km
Dəqiqlik: 5 metr
Əməliyyat hündürlüyü: 4000 metr və ya daha çox
Döyüş başlığının çəkisi: 8 kq
Uçuş müddəti: minimum 2 saat

2021-ci ilin sentyabr ayında Hindistan Ordusu İsrailin “Elbit Systems” şirkətindən “SkyStriker” PUA-larının alınması üçün müqavilə imzalayıb. Bundan əlavə Hindistan İsrailin “Harop” “gəzən sursat”larına da malikdir.