Fransa donanmasına mina əleyhinə insansız sistemlər təhvil verilib

Fransa donanmasına mina əleyhinə insansız sistemlər təhvil verilib
253     16:35     08 12 2021    
Fransa Hərbi Dəniz Qüvvələrinə (HDQ) dəniz minaları əleyhinə istifadə edilən insansız sistemlər təhvil verilib.

Sistem Fransa Müdafiə Nazirliyinin SLAM-F (dəniz minalarına qarşı əməliyyat sistemi) layihəsi çərçivəsində hazırlanıb və bu layihə Fransanın bütün minalarla mübarizə qabiliyyətini yeniləməyi nəzərdə tutur.

SLAM-F proqramı son nəticədə bütün cari minalarla mübarizə resurslarını (mina ovçuları, sonar yedək gəmiləri, minalardan təmizləyən dalğıc sistemləri) əvəz etməlidir. SLAM-F proqramı Fransa Hərbi Dəniz Qüvvələrinin strateji bölmələrinin (nüvə başlıqlı raket buraxan sualtı qayıqlar (SSBN), aviadaşıyıcı gəmilər) əməliyyatlarının həyata keçirilməsini təmin etməyə və Fransa limanlarına girişi qorumağa kömək edəcək.

2020-ci ilin noyabr ayında Fransa Müdafiə Nazirliyi 300 milyon avro dəyərində ilk dörd dəniz mina əleyhinə inansız sisteminin sifarişini verib. Onların 2024-cü ilə qədər təhvil verilməsi nəzərdə tutulur.

Sistemin işləməsi sadədir: mina aşkar edilərsə, platforma onun şəkillərini çəkəcək və verilənlər bazası və Süni Zəka alqoritmi sayəsində müəyyən edilməsi üçün bazasına göndərəcək. Lazım gələrsə, partlayıcı yük platforma tərəfindən yerləşdiriləcək və onun partladılması qərarı, uzaqdan dənizçi tərəfindən qəbul ediləcək.
Strategyvision.org

Teq: Fransa   Donanma  


Oxşar məqalələr
Son əlavə olunanlar