EDEX-2021: BƏƏ şirkəti yüngül insansız helikopter sistemini nümyiş etdirir

 EDEX-2021:  BƏƏ şirkəti yüngül insansız helikopter sistemini nümyiş etdirir
197     15:58     02 12 2021    
Birləşmiş Ərəb Əmirliklərinin müdafiə və təhlükəsizlik şirkətləri klasteri olan “Edge” şirkəti “Garmoosha” adlı yüngül insansız helikopter sistemini təqdim edib.

Təqdimat 29 noyabr - 2 dekabr 2021-ci il tarixləri arasında Misirdə keçirilən EDEX-2021 sərgisində baş tutub.

“Garmoosha” altı saat uçuş müddəti və 150 km məsafə ilə təxminən 100 kq faydalı yükləri daşımaq üçün nəzərdə tutulmuş yeni nəsil insansız helikopterdir.

Kəşfiyyat, müşahidə və nəzarət (ISR) missiyaları üçün nəzərdə tutulmuş “Garmoosha” müdafiə və təhlükəsizlik qüvvələrinin tələblərinə cavab vermək üçün müxtəlif missiyaları yerinə yetirə bilən ən müasir sistemlərə malikdir.

O, bütün hava şəraitində, həm gündüz, həm də gecə və dəniz səviyyəsindən 10.000 fut-a qədər hündürlükdə istifadə oluna bilər. Hər bir platforma paketinə iki “Garmoosha” hava vasitəsi, yerüstü idarəetmə stansiyası (GCS) və nəqliyyat sığınacağı daxildir.

PUA maksimum 150 km/saat sürətlə uça bilir və maksimum uçuş çəkisi 500 kq, uzunluğu 6 m, eni 1,6 m, hündürlüyü 2,8 m-dir.
Strategyvision.org

Teq: BƏƏ   PUA  


Oxşar məqalələr
Son əlavə olunanlar