“THeMIS” hərbi robotlarının yeni təkmilləşdirilmiş versiyası

Bu, şirkətin Mərkəzi Avropa Robototexnika Mərkəzinin yaradılması istiqamətində ilk addımı hesab edilir. Niderlanddakı ofis şirkətin sayca beşinci mərkəzidir. Şirkət Estoniyada iki, İsveç və Finladiyanın hərəsində bir ofisə malikdir.

“Milrem Robotics”in yeni ofisinin açılmasının səbəblərindən biri şirkətin əsas müştərilərindən birinə - Niderland Ordusuna və digər müvafiq bazarlara daha yaxın olmaqdır.

Açılış mərasimində şirkət, həmçinin bütün aparat, proqram təminatının qüsursuz işləməsi üçün nəzərdə tutulmuş təkmilləşdirilmiş “THeMIS” robotlarını təqdim edib. Təkmilləşdirilmiş versiya simli və simsiz izləmə, yol naviqasiyası və maneələrin aşkarlanması və qarşısının alınması xüsusiyyətlərinə malikdir. “THeMIS”in kamera sistemində və ümumi istifadəçi təcrübəsində də əhəmiyyətli təkmilləşdirmələr edilib.

Qeyd edək ki, Estoniya şirkəti Süni Zəka (SZ) texnologiyası ilə təmin edilən bir neçə hərbi robot istehsal edib. Şirkət Avropanın qabaqcıl robototexnika və avtonom sistemlərin inkişaf etdiricisi və sistem inteqratorudur. Şirkət “Type-X” robotik döyüş maşını və onu dəstəkləmək üçün nəzərdə tutulmuş “THeMIS” robotları istehsal edir.

“THeMIS” robotları gücün qorunmasını artıraraq qüvvələrə birbaşa atəş dəstəyi verir. Robot izləmə, maneələrin aşkarlanması kimi ağıllı funksiyalarla təchiz edilib.