İsrail hərbi PUA-larını mülki bazara uyğunlaşdırmaq üçün 40 milyon dollarlıq fond yaradır

İsrail hərbi PUA-larını mülki bazara uyğunlaşdırmaq üçün 40 milyon dollarlıq fond yaradır
259     12:15     29 10 2021    
İsrailin aviasiya və kosmik sənayesinin əsas iştirakçısı olan IAI (Israel Aerospace Industries) şirkəti ölkənin Süni Zəka və robotexnika sahəsində ixtisaslaşmış “SixAI” startapı ilə birlikdə mövcud hərbi texnologiyalarının bir hissəsini əsas mülki bazara uyğunlaşdırmaq üçün 40 milyon dollarlıq fond yaradıb.

Fondun birinci mərhələsi elana əsasən üç əsas təşəbbüsə yönələcək: enerjinin istehsalı, çıxarılması və saxlanması texnologiyaları, kommersiya PUA-larının, o cümlədən şəhər mühitində komanda və idarəetmə platformalarının inkişafı və istehsalat sahələrində istehsal xətlərinin və avtonom maşınların avtomatlaşdırılması.

Fond həm IAI, həm də “SixAI” tərəfindən birgə idarə olunacaq.

Hökumətə məxsus IAI şirkəti 1953-cü ildən etibarən peyklər, PUA-lar, raketlər, silah sistemləri və döyüş sursatları da daxil olmaqla, dünya miqyasında hökumət və kommersiya müştərilərinə texnoloji həllər təqdim edərək, hava, kosmos, dəniz, quru, kiber və daxili təhlükəsizlik üçün qabaqcıl sistemlər hazırlayır və istehsal edir. Şirkət İsraildə və dünyadakı ofisləri, araşdırma və inkişaf mərkəzləri ilə ölkənin ən böyük texnologiya şirkətlərindən biridir.

Nəşr qeyd edir ki, şirkət son illərdə müdafiə sənayesindən başqa mədənçilik, kənd təsərrüfatı sektorlarında hərbi texnologiyanı mülki bazara uyğunlaşdırmaq səylərini genişləndirib.
Strategyvision.org

Teq: İsrail   PUA  


Oxşar məqalələr
Son əlavə olunanlar