İsrailin “Roboteam” döyüş robotları Almaniya Ordusunda sınaqdan keçirilir

 İsrailin “Roboteam” döyüş robotları Almaniya Ordusunda sınaqdan keçirilir
336     12:22     20 10 2021    
İsrailin “Elbit Systems” şirkətinin törəməsi olan “Roboteam” tərəfindən istehsal edilən insansız quru platforması Almaniya ordusu tərəfindən “İnsansız” adı altında keçirilən sahə sınaqlarında iştirak edib.

Bu barədə Almaniyanın “Soldat & Technik” hərbi saytı yazıb.

Sınaqlar zamanı piyada qüvvələri dəstəkləmək üçün nəzərdə tutulan “Probot” robotlarının idarəetmə xüsusiyyətləri, uzaqdan idarəetmə, avtonom funksiyaların istifadəsi və onların dəstəyi ilə döyüş atışları bacarıqları yoxlanılıb.

“Elbit” şirkəti “Probot”u döyüş, kəşfiyyat və logistika vəzifələri üçün peşəkar bir robot olaraq təsvir edir. Kompakt ölçülərə malik robot 435 kq ağırlığındadır və 750 kq yük yükünü daşıya bilir. 48V akkumulyatora malik 4 təkərli robot 12 km/saat sürətlə səkkiz saat işləməyə imkan verir.

Operator konsolundan idarə olunan “Probot” infraqırmızı işıqlandırma ilə dəstəklənən gündüz/gecə görmə kameraları ilə 360 məlumatı GPS məlumatları ilə birlikdə yaza və təhlükəsiz mobil IP ad-hoc şəbəkəsi vasitəsi ilə ötürə bilər. Robotun istifadə radiusu 1500 metrdir.

Veb sayt “Probot”un bir müddətdir İsrail ordusu tərəfindən istifadə edildiyini və Fransa ordusunun bir missiya zamanı sınaq üçün “Probot”un bir versiyasını seçdiyini qeyd edir. Fransa ordusunun keçən ilin may ayındakı açıqlamasına görə, sistem yarışma ərəfəsində digər dörd provayderə qalib gəlmişdi.

Bu sistemlərdən 4 -ü 2021-ci ilin mart-iyun ayları arasında 126-cı Piyada Alayının əsgərləri tərəfindən Afrikanın Sahel bölgəsində Fransanın rəhbərlik etdiyi “Barkhane” əməliyyatı çərçivəsində yerləşdirilib.
Strategyvision.org

Teq: Probot   Elbit   Almaniya-İsrail  


Oxşar məqalələr
Son əlavə olunanlar