Avtonom hərbi platformalar bazarının həcminin 2020-ci ildən 2025-ci ilə qədər 457,09 milyon ABŞ dolları artacağı gözlənilir.

2020-ci ildə baş verən 3 vacib hadisə bundan sonrakı növbəti, yəni 2021-ci ildə Pilotsuz Uçuş Aparatları (PUA) bazarında canlanma yaratdı. 2020-ci ildə Türkiyənin Suriya və Liviyada, Azərbaycanın Qarabağda PUA-larla düşmən qüvvələrinin ordularını məhv etməsi dünyanın bu silahlara olan marağını artırdı və PUA bazarında tələbat artdı.

Nəqliyyatdan tutmuş axtarış-xilasetmə və zərbə missiyasına qədər hərbi funksiyalar üçün yaradılmış avtonom sistemlər bazarı sürətlə böyüməkdədir. 2021-ci ildə belə sistemlər yaradan dövlətlər siyahısına yeniləri qoşuldu. İraq və Əfqanıstanda ABŞ və Britaniya kimi dövlətlər bir neçə avtonom sistemi sınaqdan keçirsə də, yeni çıxan və ya artıq prototip mərhələsində olan bu hərbi sistemlər daha təcrübəli, məntiqli və daha avtonomdur.

Hindistan ordusu düşmən hədəflərini dəqiqliklə məhv edən və minimum mülki itkilərə səbəb olan 120 ədəd “gəzən sursat” almaq niyyətindədir.

Britaniya Ordusu özünün “Watchkeeper” taktiki Pilotsuz Uçuş Aparatlarının (PUA) ilk təkmilləşdirilmiş versiyalarını 2026-cı ilə qədər hazır vəziyyətə gətirməyi hədəfləyir.

İsrailin “Elbit Systems” şirkətinin törəməsi olan “Roboteam” tərəfindən istehsal edilən insansız quru platforması Almaniya ordusu tərəfindən “İnsansız” adı altında keçirilən sahə sınaqlarında iştirak edib.

Britaniya Türkiyənin istehsal etdiyi zərbə PUA-ları ilə maraqlanır.

İsrailin “Elbit Systems” şirkəti hərbi qulluqçulara real zaman rejimində intuitiv döyüş qabiliyyəti təmin edən, avtomatın elektro-optik cihazı ilə dəbilqəyə quraşdırılmış görüntülmə sistemi və avtomatın qurğuları arasında əlaqə quran Süni Zəka (SZ) əsaslı ARCAS sistemini təqdim edib.

Hindistan Ordusu 100-ə yaxın İsrail istehsalı “SkyStriker” kamikadze PUA-ları və ya digər adı ilə “gəzən sursatları” sifariş verib.