Türkiyədən “Şəbəkə Qabiliyyətli Silah” - ALKA

Təqdimat Türkiyədə keçirilən 3-cü Hərbi Radar və Sərhəd Təhlükəsizliyi Zirvəsində keçirilib.

Bir müddətdir antidron sistemləri üzərində araşdırma və inkişaf çalışmaları həyata keçirən ROKETSAN ilk olaraq bu çərçivədə “Alka”nı hazırlayıb. Asimetrik təhdidlərə qarşı elektromaqnit və lazer texnologiyasından istifadə edən “Alka”, mini/mikro PUA-lara əlavə olaraq əldəqayırma partlayıcı maddələr kimi elementləri də məhv etməyi qarşısına məqsəd qoyub.

Sistem uzun müddət davam edən inkişaf işlərindən sonra bu yaxınlarda Türkiyə Silahlı Qüvvələrinin inventarına daxil olub. ROKETSAN “Alka”dan daha səmərəli istifadə etmək üçün “Şəbəkə Qabiliyyətli Silah” anlayışını ortaya çıxarıb.

Şirkət tərəfindən “antidron sistemlərinin yeni alfası” şüarı ilə təqdim olunan NEW Konsepsiyası havadan müdafiə sistemlərində olduğu kimi, bir mənada batareya quruluşuna malikdir.

Bu konepsiyada avtomobillərdəki lazer silahları tək bir hədəfə fokuslana bilir. Bu yolla hədəfin məhv olma vaxtı xeyli azaldıla bilər. Eyni şəkildə, hər bir “Alka” fərqli hədəflərə qarşı müdafiə təmin edə, beləliklə, obyektlərin PUA hücumlarına qarşı müdafiəsi vahid quruluş qazana bilər. NEW Konseptində fərqli elektro-optik sistemlər və radarlar da batareya quruluşuna daxil edilə bilər.

Sistemin xüsusiyyətləri

- Lazer silahı ilə 750 metrlik məhvetmə məsafəsi
- Geniş diapazonlu mini/mikro PUA təhdidlərinin qarşısının alınması
- Aşağı və yüksək hündürlükdə uçan mini/mikro PUA-nın radarla aşkarlanması və izlənməsi
- Elektro-optik hədəf izləmə sistemi ilə yüksək dəqiqlikdə hədəf izləmə
- Yüksək sürətli hədəf izləmə və məhvetmə
- Hədəfdə məhv edilən hissənin dəqiq seçilməsi
- Süni Zəka ilə avtomatik hədəf aşkarlama və izləmə.