İtaliya Qarabağdakı müharibədən sonra “Reaper”ləri raketlərlə təchiz edir

Roma 2021-ci il büdcə layihəsində qeyd edib ki, önümüzdəki yeddi il ərzində PUA-ların raketlərlə təchiz edilməsi üçün 168 milyon avo xərclənməsi nəzərdə tutulub. Bu proses üçün 2021 və 2022-ci illərdə 2 milyon avro, 2023-cü ildə 5 milyon avro, 2024-cü ildən 2026-cı ilə qədər hər il 45 milyon avro və 2027-ci ildə 5 milyon avro ayrılacaq.

İtaliya həm raketsiz təkmilləşdirilmiş “PredatorA”, həm də “Reaper” PUA-larını idarə edir və onları 2011-ci ildən NATO hava əməliyyatları zamanı İraq, Əfqanıstan, Balkanlar və Afrikaya, xüsusən də Liviyaya yerləşdirir.

Roma PUA-ların bomba və raketlərlə təchiz edilməsi üçün 2015-ci ildə ABŞ-dan Britaniyadan sonra icazə alan ikinci ölkədir.

ABŞ o vaxt İtaliyaya “General Atomics”in baş podratçılığı ilə 156 ədəd AGM-114-R2 “Hellfire II” raketi, 20 ədəd GBU-12 lazerlə idarə olunan bomba, 30 ədəd GBU-38 bombaları və digər sursatlar üçün 129,6 milyon dollarlıq müqavilə təklif etdi.

İtaliyanın indi hansı sursatlardan istifadə edəcəyi ilə bağlı məlumat yoxdur. Mənbələr çox güman ki, standart sursatlardan istifadə ediləcəyini bildirir.

İtaliya Liviya və Azərbaycandakı son müharibələrdə Türkiyə və Birləşmiş Ərəb Əmirlikləri kimi regional oyunçular tərəfindən zərbə PUA-larının geniş yayılmasını müşahidə etdikdən sonra bu hava vasitələri ilə bağlı mövqeyini dəyişib, onları raket və bombalarla təchiz etməyə qərar verib.