İtaliyanın “Reaper” PUA-ları modernləşdiriləcək

Modernləşdirmə ilə bağlı tərəflər arasında müqavilə imzalanıb. Müqaviləyə əsasən PUA-lar “Blok 5” konfiqruasiyasına qədər təkmilləşdiriləcək.

Modernləşdirmə işləri 31 yanvar 2023-cü ilə qədər tamamlanmalıdır.

Yeni konfiqurasiya “Lynx” çoxməqsədli radarları, “Raytheon” şirkətinin çox spektral hədəfləmə sisteminin ən son versiyası, eləcə də təkmilləşdirilmiş eniş qurğusu ilə təchiz edilib.

İtaliya 2010-cu illərdə ABŞ-dan 9 ədəd “Reaper” PUA-sı satın alıb. Lakin onlardan biri 2019-ci ildə Liviyada qəzaya uğrayıb.