Almaniya şirkəti dördayaqlı hərbi robotunu təqdim edib

Şirkət son bir il ərzində üç ədəd “Ghost Robotics” robotlarını sınaqdan keçirib.

Robotlar gələcəkdə tətbiq oluna biləcək “Black Hornet”ə bənzəyən mikro PUA-larla birgə nümayiş olunur. “Lassie” ləqəbli robotlar “Rheinmetal” şirkətinin “Gladius” sisteminin yanında nümayiş olunur.

Şirkət tərəfindən hazırlanan robot şəhər ərazilərində sürü halında hərbi əməliyyatlar, kimyəvi, bioloji, radioloji və nüvə (KBRN) kəşfiyyatı, xüsusi əməliyyatlar, tibbi evakuasiya, ərazinin qorunması, daxili kəşfiyyat, döyüş sahəsindəki mobil xüsusi şəbəkələr (MANET) və fəlakətə cavab üçün nəzərdə tutulub.

Robotlar nəqliyyat vasitələrində yerləşdirilir, pilləkənlərə qalxmağı və üzməyi bacarır. Tibbi rolda robotlar yaralılara çata bilər, nəbzlərini yoxlaya və nəticələrini ötürə bilər, hətta onları təhlükəsiz əraziyə sürükləyə bilər.