Rusiya HHM robotunun yaradılmasını planlaşdırır?

Rusiya HHM robotunun yaradılmasını planlaşdırır?
277     13:03     14 08 2021    
Rusiya Hava Hücumundan Müdafiə (HHM) robotunun yaradılmasını planlaşdırır.

Sistemin “Uran-9” robotlarının bazasında yaradılması nəzərdə tutulub. “Iqla-S” və ya “Verba” zenit-raket kompleksləri yeni robotun əsas silahlanması kimi istifadə oluna bilər.

Qeyd olunur ki, bu cür robotlar tam avtomatlaşdırılmış rejimdə HHM qabiliyyətini artırmaq üçün istifadə edilə bilər. Robotun əsas vəzifəsi aşağı və son dərəcə aşağı yüksəkliklərdə uçan təyyarələr və digər hədəflərlə mübarizə olacaq.

“Uran-9”un əsas vəzifəsi distans kəşfiyyat aparmaq və döyüş zamanı hərbi bölmələrə dəstəkdir. Robot xüsusi mobil idarəetmə məntəqəsindən idarə olunur. Qeyd edək ki, hazırda üzərində işlər aparılan universal platforma əsasında “Armata” da daxil olmaqla, təxminən 30 müxtəlif təyinatlı maşın yaratmaq mümkün olacaq. “Uran-9” zərbə robotunun döyüş-təcrübə istifadəsi onun çatışmazlıqları və üstünlüklərini göstərəcək, həmçinin robotun orduya uyğunlaşdırılması üçün zəruri tədbirlərin müəyyənləşdirilməsinə kömək göstərəcək.

“Uran-9” döyüş robotu Rusiyanın T-14 "Armata" əsas döyüş tankının şassisi üzərində yaradılıb. Robot Suriyadakı döyüş tətbiqi təcrübəsi nəzərə alınaraq modernləşdirilib.

Xatırladaq ki, “Uran-9” Rusiya ordusu tərəfindən 2019-cu ilin yanvar ayında qəbul edilib. Kompleks birgə döyüş, kəşfiyyat və antiterror missiyalarını yerinə yetirmək üçün nəzərdə tutulub. Sistem 30 mm-lik 2A72 topu, dörd tank əleyhinə idarə olunan raket və 12 “Şmel-M” raketləri ilə silahlana bilər.
Strategyvision.org
Oxşar məqalələr
Son əlavə olunanlar