Almaniya PUA sürülərinə qarşı mübarizəyə başlayır

35 mm-lik silah sisteminin sınaqlarının İsveçrədə yerləşən Oçsenboden atış poliqonunda keçirildiyi qeyd olunur.

6x6 təkər formuluna malik yük maşınına quraşdırılan silah sistemi eyni anda 4 hədəfi vurmaq qabiliyyətinə malikdir.

Sınaqlar zamanı silah sistemi 800-900 metr məsafədə olan 8 ədəd oktokopter tipli PUA-ların qarşısını alıb və onları məhv edib.

Sistemin hazırlanması zamanı "Skyguard" hava hücumundan müdafiə sistemindən əldə olunan təcrübədən istifadə edilib. Sistem dəqiqədə 1000 atəş aça bilir.

"Skyguard" insansız axtarış və izləmə sensorları ilə təchiz edilib. İnkişaf etmiş texnologiya hədəfləri avtomatik aşkarlaya və zərərsizləşdirə bilir.