Mərkəzi Avropa, Şimali Afrika və Yaxın Şərqdəki qanlı qarşıdurmalarda ucuz zərbə tipli Pilotsuz Uçuş Aparatlarından istifadə edilməsi onlara qarşı əks-tədbirlərin yaradılmasına ehtiyac olduğunu göstərir. Britaniya kimi bir çox ölkə isə bu ucuz, amma güclü və ölümcül silahlara maraq göstərir.

Avtonom hərbi platformalar bazarının həcminin 2020-ci ildən 2025-ci ilə qədər 457,09 milyon ABŞ dolları artacağı gözlənilir.

Nəqliyyatdan tutmuş axtarış-xilasetmə və zərbə missiyasına qədər hərbi funksiyalar üçün yaradılmış avtonom sistemlər bazarı sürətlə böyüməkdədir. 2021-ci ildə belə sistemlər yaradan dövlətlər siyahısına yeniləri qoşuldu. İraq və Əfqanıstanda ABŞ və Britaniya kimi dövlətlər bir neçə avtonom sistemi sınaqdan keçirsə də, yeni çıxan və ya artıq prototip mərhələsində olan bu hərbi sistemlər daha təcrübəli, məntiqli və daha avtonomdur.

Almaniyanın “Rheinmetall” və İsrailin “UVision” şirkətləri “Hero” kamikadze PUA-larını Avropa ölkəsinə satmaq üçün strateji tərəfdaşlıq müqaviləsi imzalayıblar.

Almaniyanın “Rheinmetall” şirkəti PUA sürülərinə qarşı mübarizə aparmaq üçün “Revolver Gun Mk 3” silah sistemini sınaqdan keçirib.