İnsansız sistemlərdə yeni mərhələ: Artilleriya sistemləri də insansız ola bilər

Britaniya Ordusu hazırkı 105 mm kalibrli L118 habutsalarını əvəz etmək üçün yeni imkanlara sahib artilleriya sistemləri axtarır.

"The Drive" nəşri Britaniya rəsmilərinə istinad edərək yeni sistemlərin insansız ola biləcəyini qeyd edir.

Nəşrin əldə etdiyi görüntülərdə 4 təkərli özüyeriyən insansız haubitsanın kompüter tərəfindən hazırlanmış konsepsiyası göstərilir.

“Lightweight Fires Platform” (LFP) konsepsiyası avtomatik yükləyici kimi sistemlərə sahib olacaq.

Müşahidəçilər konsepsiyası təqdim edilən artilleriya sisteminin hibrid mühərriklə təchiz edilə biləcəyini qeyd edir. Hələlik konsepsiya şərti xarakter daşıyır.

Bu ümumi konsepsiya "Future Combat Systems" (FCS) proqramının bir hissəsi olaraq ABŞ Ordusu üçün hazırlanmış MULE insansız plaformaları kimi digər vasitələrin dizaynlarında da görülüb. Bu tip dizayn hər cür ərazidə çox yüksək dərəcədə hərəkətlilik təmin etmək məqsədi daşıyır.

L118 haubitsalarının inkişafı 1960-cı illərin sonlarına təsadüf edir və eyni zamanda ABŞ Ordusu tərəfindən dəyişdirilmiş formada M119 kimi istifadə olunur.