Albaniya Türkiyədən hansı PUA-ları alır?

Bunun üçün ölkənin parlamenti hökumətə əlavə büdcə ayırıb. Hökumətə PUA-ların alınması üçün ayrılacaq məbləğin ümumi dəyəri 10 milyon dollara yaxındır. Balkan ölkəsinin Türkiyədən hansı PUA-ları alacağı hələ ki, dəqiq deyil.

Albaniya və Türkiyənin bəzi media platorformaları bu ölkənin Türkiyədən “Bayraktar TB2” zərbə PUA-ları ala biləcəyini ehtimal edir. Amma 10 milyon dollar vəsaitlə “Bayraktar TB2” zərbə PUA-larının alınması çox aşağı ehtimaldır.

“EuroNews” kanalının Albaniya xidmətinin məlumatına görə, Albaniya ölkənin polis qüvvələrinin cinayətlə mübarizəsinə dəstək vermək üçün Türkiyənin “Baykar Savunma” şirkəti tərəfindən istehsal edilən şaquli qalxma və enmə qabiliyyətinə malik DİHA platformaları alacaq.

Şirkət bir müddətdir kəşfiyyat və müşahidə tapşırıqları üçün şaquli qalxma və enmə qabiliyyətinə malik PUA inkişaf etdirir.

Taktiki-Texniki Xüsusiyyətləri

Qanad uzunluğu: 5 metr
Gövdənin uzunluğu: 1,5 metr
Maksimum qalxma çəkisi: 30 kiloqram
Faydalı yükü: 5 kiloqram
Maksimum sürət: 150 km/saat
Rabitə diapazonu: 150 km
Əməliyyat hündürlüyü: 2700 metr
Maksimum hündürlük: 4500 metr
Uçuş müddəti: 12 saat

Digər xüsusiyyətləri:

Tam avtomatik uçuş
Avtonom enmə və qalxma
Yarımavtonom uçuş
Üçqat uçuş idarəetmə sistemi
Lazer əsaslı məsafə ölçmə