Polşa “Bayraktar TB2” PUA-larına “gəzən sursatlar” quraşdırır

Polşa prezidenti Anjey Duda mayın 24-də Türkiyəyə ikigünlük səfəri çərçivəsində Ankarada prezident Ərdoğanla görüşüb. Görüşdən sonra keçirilən mərasimdə 24 (4 partiya) “Bayraktar TB2” PUA-sının Polşaya ixracı üçün müqavilə imzalanıb.

Polşanın “Bayraktar TB2”ləri əvvəlkilərdən fərqli olaraq AESA radarı və IFF kimi bir çox fərqli sistemə sahib olacaq.

“Gəzən sursat” sayəsində “Bayraktar TB2”lər daha uzun mənzilli sursatlara sahib olacaq.

“Warmate TL” PUA-ları “WB Group” tərəfindən hazırlanmış “Warmate” kamikadze PUA-larının boru tipli buraxılış qurğusu ilə işləyən versiyasıdır. Çəkisi 4,5 kq, qanadlarının uzunluğu 1,7 metr, uzunluğu isə 1,1 metrdir. Elektro-Optik görüntüləmə sisteminə malik PUA 30 dəqiqəyə qədər havada qala bilir və 1,4 kq ağırlığında zirehlidəlici və ya termobarik döyüş başlığını daşıya bilir.

Buna qədər “WB Group” şirkəti düşmənin çoxtəbəqəli Hava Hücumundan Müdafiə (HHM) sistemlərini məğlub etmək üçün istifadə edilməsi nəzərdə tutulan W2MPIR Pilotsuz Uçuş Aparatları (PUA) kompleksini təqdim edib.

Kompleksə şirkətin “FlyEye” və “FT-5 Łoś”taktiki kəşfiyyat PUA-ları, həmçinin “Warmate 1” və “Warmate 2” kamikadze PUA-ları daxildir. Bunlar “Topaz” inteqrasiya olunmuş döyüş idarəetmə sistemi (ICMS) tərəfindən idarə olunacaq.

PUA-lar arasında əlaqəni təmin etmək üçün “Radmor” şirkəti tərəfindən dəstəklənən “Perad” radiolarından əldə edilən şifrəli aşağı emissiyalı Səssiz Radio Şəbəkə paketindən istifadə olunacaq.

Yüngül quruluşu və müxtəlif növ tapşırıqları yerinə yetirməsi ilə xarakterizə olunan "Warmate1" Polşa və xarici silahlı qüvvələr tərəfindən uğurla istifadə olunur.

Taktiki-Texniki Xüsusiyətləri:

Əməliyyat məsafəsi: 15 km
Uçuş müddəti: 70 dəq
Qanad açılımı: 1,6 m
PUA-nın uzunluğu: 1,1 m
Maksimum uçuş çəkisi: 5,3 kq
Sürət: 150 km/saat

2.5 saat havada qala bilən “FlyEye” PUA-ları 60-120 km/saat sürətlə hərəkət edə bilər.