Ukrayna “Sokol-300” zərbə PUA-larının kütləvi istehsalına başlayır?

1552 14:51 14 12 2021

Ukraynanın dövlətə məxsus “Luç” konstruktor bürosu bir il yarım-iki ildən sonra “Sokol-300” zərbə tipli Pilotsuz Uçuş Aparatlarının (PUA) kütləvi istehsalına başlamağı planlaşdırır.

Büronun baş direktoru və baş dizayneri Oleq Korostelev “Apostrof TV”yə müsahibəsi zamanı istehsalın ölkənin Müdafiə Nazirliyinin sifarişi ilə həyata keçirləcəyini bildirib.

Korostelevin sözlərinə görə, Ukrayna Müdafiə Nazirliyi yaxın gələcəkdə inkişaf işlərini maliyyələşdirəcək, bundan sonra “Sokol-300” qısa müddətdə hazırlanacaq.

Baş direktorun sözlərinə görə, PUA-nın yaradılması üzrə işlər altı aya başa çatdırıla bilər və birinci uçuşlar bir ildən az müddətdə həyata keçirilə bilər.

“Sokol-300”ün yükgötürmə qabiliyyətinin 300 kq, maksimal sürətinin isə 230 km/saat olacağı gözlənilir.

PUA-nın Taktiki-Texniki Xüsusiyyətləri:

Qanad açılımı: 14 metr
Maksimum uçuş çəkisi: 1225 kq
Mühərrik növü: 1 x MS-500V-05S / CE
Uçuş müddəti: 5 saat
Uçuş məsafəsi: 1300 km

Strategyvision.org

Teq: Ukrayna Sokol

Oxşar məqalələr

Son əlavə olunanlar

Hamısı