“Togan” mərmiləri “Kargo-150” PUA-larından atılacaq

TÜBİTAK SAGE “Twitter” səhifəsində məlumat yayıb ki, ilk sınaqlar aparılmağa başlayıb. İnteqrasiya araşdırmalarından sonra sınaq atışlarında hədəflər uğurla məhv edilib.

Ankarada keçirilən Hərbi Logistika və Dəstək Zirvəsi çərçivəsində iki şirkət arasında əməkdaşlıq protokolu da imzalanıb.

Yayılan fotolarda “Kargo-150” PUA-sına cəmi 8 “Togan” mərmisinin inteqrasiya edildiyi görünür. PUA-nın ümumi yükgötürmə qabiliyyəti 150 kq-dır.

PUA 150 kiloqram yükü 50 dəqiqəyə daşıya və saatda 100 kilometrə qədər sürətlə hərəkət edə bilər. 2019-cu ildə ASELSAN və “Altınay” şirkətlərinin törəməsi olaraq qurulan “Dasal” tərəfindən hazırlanmış PUA silahları, döyüş sursatlarını, yanacağı, ilkin tibbi yardım vasitələrini, ehtiyatları döyüş əməliyyatları sahəsinə tez və etibarlı şəkildə sürətli, səmərəli və səssizcə nəql edə bilər.

“Kargo-150” quru-dəniz, dəniz-dəniz missiyaları üçün ideal platforma olması ilə yanaşı, logistika dəstəyi ilə seçilir. Uçuş testlərində müvəffəqiyyətli bir performans göstərən platforma 8 rotorlu dizaynı sayəsində bəzi pərləri zədələnsə də uçuşunu davam etdirə biləcək. Qeyd olunan xüsusiyyət tək rotorlu sistemlərə qarşı da ciddi üstünlük təmin edir.

Faydalı yükü ilə birlikdə 730 kiloqram ümumi uçuş ağırlığına sahib olan "Kargo-150" yüklərini 40 kilometr uzaqlıqdakı məntəqəyə daşıya və geri dönə bilir.