Mərakeş İsraildən PUA-lara qarşı sistemlər alacaq

Ölkənin Silahlı Qüvvələrinin mətbuat xidməti İsrailin müdafiə naziri Benni Qantzın çərşənbə günü Mərakeşə planlaşdırılan səfərindən əvvəl açıqlama verib. Qantzın mərakeşli həmkarı ilə təhlükəsizlik və müdafiə sazişlərini yekunlaşdıracağı gözlənilir.

Fevral ayında Əbu-Dabidə keçirilən Beynəlxalq Müdafiə Sərgisi və Konfransında təqdim edilən “Skylock Dome” PUA-ları aşkar edərək sıradan çıxara bilir.

“Defence News” nəşri keçən ay bildirdi ki, Qantzın imzalayacağı müqavilələr arasında İsrailin Mərakeşə yerli PUA sənayesi qurmasına kömək edəcəyinə dair anlaşmalar var.

Mərakeş hərbi potensialını tamamilə təkmilləşdirməyə çalışır. Hökumətin 2022-ci il büdcəsində yeni tanklar, döyüş təyyarələri və digər əsas avadanlıqların alınması üçün təxminən 12,8 milyard dollar ayrılması nəzərdə tutulur. Bu ilin əvvəlində Mərakeş Türkiyədən 13 ədəd “Bayraktar TB-2” PUA-ları alıb.

Onilliklər ərzində gizli müdafiə və kəşfiyyat əlaqələrindən sonra, Mərakeş keçən il ABŞ-ın rəhbərlik etdiyi “İbrahim Sazişləri” adlı təşəbbüsün fonunda İsraillə əlaqələri normallaşdırmağa razılaşıb. Birləşmiş Ərəb Əmirlikləri və Bəhreyn də əlaqələri normallaşdırıb və Sudan buna açıq olduğunu bildirib.

Avqust ayında İsrailin xarici işlər naziri Yair Lapid 2003-cü ildən sonra Mərakeşə səfər edən ən yüksək səviyyəli İsrail rəsmisi olub.