Polşanın “Bayraktar TB2” PUA-ları İtaliya radarları ilə təchiz ediləcək

Polşa “Bayraktar TB2”ləri bu radarlarla təchiz edən ilk ölkə olacaq. İtaliya şirkətinin 2 AESA radarı tədarük edəcəyi bildirilir.

Radarlar TB2-nin kəşfiyyat, nəzarət və müşahidə (ISR) qabiliyyətini və situasiya xəbərdarlığını əhəmiyyətli dərəcədə artıracaq və buludlu havada işləmə qabiliyyətini təmin edəcək. “Bayraktar TB2”lər havadan havaya axtarış rejimlərinə sahib olan radar sayəsində məhdud hava müşahidə imkanlarına sahib olacaq.

“Osprey” “Leonardo” tərəfindən hazırlanmış X diapazonunda işləyən çox rejimli SWaP (yüngül, ucuz, güclü və kiçik) tipli AESA radarıdır. Sabit və ya mobil konfiqurasiyalarda istifadə edilə bilən radarın havadan quruya, dənizə və havaya rejimləri var.

Bir sutkadan artıq müddətdə havada qala bilən “Bayraktar TB2” zərbə PUA-ları Türkiyənin Suriyada Bəşər Əsədə sadiq ordunun şimal bölgələrinə hücumunun, Liviyada Rusiya, Birləşmiş Ərəb Əmirlikləri və Misir tərəfindən dəstəklənən qiyamçı feldmarşal Xəlifə Həftərin Tripoliyə hücumunun qarşısının alınmasında böyük rol oynayıb. PUA-lar, həmçinin Qarabağ müharibəsinin ikinci mərhələsində Azərbaycan tərəfindən istifadə edilib və Ermənistan ordusunun məhv edilməsində böyük rol oynayıb.