İsrail şirkətlərindən yeni çox faydalı yük daşıyan insansız quru platforması

İsrail şirkətlərindən yeni çox faydalı yük daşıyan insansız quru platforması
358     15:42     17 11 2021    
İsrailin “Elbit Systems” və “Roboteam” şirkətləri birlikdə çox faydalı yük daşıyan 6x6 təkər formuluna malik hərbi təyinatlı insansız quru platformasını təqdim edib.

“Rook” adlanan platforma ABŞ, Fransa, İsrail və Böyük Britaniya da daxil olmaqla bir neçə ölkədə 4×4 “Probot” robot sistemlərinin tətbiqi ilə toplanmış əməliyyat təcrübəsinə əsaslanaraq hazırlanıb.

“Rook” müvafiq hərbi standartlara uyğun olaraq sıfırdan robotlaşdırılmış quru platforması kimi dizayn edilib. Modul quruluşu texniki xidmətə ehtiyac olmadan sahədə komponentlərin dəyişdirilməsinə, səmərəli təkmilləşdirmələrə və modifikasiyalara imkan verir.

Avtonom xüsusiyyətlərə malik “Rook” ləvazimatları çatdırmaq, itkiləri təxliyə etmək, kəşfiyyat məlumat toplama missiyalarını yerinə yetirmək üçün həm gündüz, həm də gecə istənilən ərazidə səmərəli naviqasiya etmək imkanına malikdir

Üstün manevr və ötürülmə qabiliyyətinə malik platforma 1200 kq-a qədər faydalı yük daşımağa qadirdir.

Batareyaların və əlavə daxili generatorun modul hibrid enerji konfiqurasiyasından istifadə edərək “Rook” 8 saata qədər işləyə bilir və saatda 30 km sürət təmin edir.
Strategyvision.org

Teq:


Oxşar məqalələr
Son əlavə olunanlar