ABŞ donanması quru və dəniz missiyaları üçün yük daşıyan PUA-ları sınaqdan keçirib

TRUAS və BWUAS adlı PUA-lar ABŞ Hərbi Dəniz Qüvvələri və Dəniz Korpusunun Kiçik Taktiki PUA Sistemləri proqram ofisi tərəfindən keçirilən birgə sınaqlar zamanı çoxsaylı tədarük missiyaları yerinə yetirib

TRUAS 68 kiloqrama qədər qida və taktiki avadanlıq kimi malları daşımaq üçün nəzərdə tutulub. Digəri daha geniş diapazona malik olsa da, gəmilərə daha yaxşı uyğunlaşmaq üçün xeyli az yük tutumuna malikdir.

PUA-lar sınaqlar zamanı əvvəlcədən proqramlaşdırılmış nöqtəyə uçaraq, faydalı yükü atıb və geri uçub. BWUAS şaquli uçuş, ardınca irəli uçuş nümayiş etdirib.

ABŞ rəsmiləri bildirib ki, pilotsuz logistik təchizat vasitələri dənizçiləri və dəniz piyadalarını təhlükədən uzaqlaşdıracaq.