Türkiyədən insansız qırıcılar üçün önəmli addım: Ukraynadan mühərriklər alınır

Müqavilə çərçivəsində Ukrayna şirkəti MIUS üçün AI-322F turbofan mühərriki tədarük edəcək. Ukrayna şirkəti ilə MIUS üçün AI-25TLT turbofan mühərrikinin inteqrasiyası müqaviləsi də imzalanıb.

Şirkətin Baş direktoru Haluk Bayraktar bildirib ki, şirkətin strateji “Akıncı” PUA-ları da “İvçenko Progress” şirkətinin AI-450 mühərriki ilə təchiz edilib: “Ümid edirəm ki, bu imza iki ölkə arasında strateji əməkdaşlığı daha da inkişaf etdirəcək və iki ölkəni gücləndirəcək”.

MİUS-un 2023-cü ildən əvvəl ilk uçuşunu etməsi gözlənilir.

Ukrayna mənbələrinə görə, Ukrayna 2021-ci ildən 2030-cu ilə qədər “Akıncı” üçün AI-450 turboprop mühərriki və MIUS üçün AI-25TLT turbofan mühərriki tədarük edəcək. 10 illik müddətdə Ukraynanın “Baykar”a ümumi dəyəri 600 milyon dollardan çox olan 500-dən çox mühərrik ixrac edəcəyi gözlənilir.

MIUS səs sürətinə yaxın kreyser sürəti ilə hərəkət edə biləcək. Növbəti prototiplərin sürəti səs sürətindən çox olacaq. Təyyarənin 1,5 tona yaxın döyüş sursatı və faydalı yük tutumu olacağı bildirilir. Havadan havaya və quruya zərbələr endirmək üçün hava vasitələrinin müxtəlif ağıllı sursatlar və qanadlı raketlər daşıyacağı qeyd olunur. Pilotsuz döyüş təyyarələrinin radara görünməsi çox az olacaq.

Dünyada bu sahədə inkişaf etdirilən digər prototiplərdən fərqli olaraq MIUS-lar Türkiyənin “TCG Anadolu” sinifinə məxsus qısa uçuş-enmə zolağına malik hərbi gəmilərdən havaya qalxa və gəmiyə enə biləcək.

Selçuk Bayraktar təyyarələrin Süni Zəka ilə işləyən kompüterlərə malik olacağını, hədəflərə zərbə endirilməsi və yaxın döyüş manevrlərini avtonom şəkildə həyata keçirə biləcəyini qeyd edib. Süni Zəka sayəsində təyyarələr qarşılarına çıxan təyyarələrin dost və ya düşmənə aid olduğunu müəyyən edə biləcəklər.

MIUS-un Taktiki-Texniki Xüsusiyyətləri:

Maksimum qalxma çəkisi:, 3,5+ ton
Yükdaşıma qabiliyyəti: 1,5 ton (gövdənin içində və qanadın altında sursat daşımaq qabiliyyəti)
Uçuş müddəti: 5 saat
Maksimum hündürlük: 12 kilometr
Sürəti: 900 km/s