Çin böyük ölçüyə malik WZ-7 PUA-sını silahlanmaya qəbul edib

Çin böyük ölçüyə malik WZ-7 PUA-sını silahlanmaya qəbul edib
231     16:09     12 11 2021    
Çin ordusu yerli istehsal edilən “Uçan Əjdaha” ləqəbi ilə tanınan WZ-7 PUA-sını silahlanmaya qəbul edib.

Çin Müdafiə Nazirliyi məlumat yayıb ki, uzun uçuş müddətinə və yüksək əməliyyat hündürlüyünə malik (HALE) PUA sinfinə daxil olan WZ-7 ilk dəfə Çin Silahlı Qüvvələri tərəfindən canlı döyüş təlimində istifadə edilib.

WZ-7 dünyanın ən böyük kəşfiyyat PUA-larından biri hesab olunur.

Məlumata görə, WZ-7 Çin Silahlı Qüvvələrinin real döyüş hazırlığı sisteminə dərindən inteqrasiya edilib.

PUA ilk dəfə “Zhuhai Airshow 2021” sərgisində ictimaiyyətə təqdim edilib. Sistem Çenqdu Təyyarə Sənaye Qrupu tərəfindən dizayn edilib və Quijou Təyyarə Sənayesi Korporasiyası tərəfindən hazırlanıb. O, gövdənin ortasında və arxada olan tandem qanadları olan unikal dizayna malikdir.

WZ-7 Çin Silahlı Qüvvələri tərəfindən kəşfiyyat missiyaları yerinə yetirmək üçün istifadə ediləcək, lakin Çin hərbi mənbələrinə görə, o, gəmi əleyhinə ballistik raketlər və qanadlı raketlər ilə hədəf almaq üçün uyğun sensorlarla təchiz oluna bilər. PUA DF-21D kimi ballistik raket buraxılış qurğuları üçün koordinat ötürə bilər.

Uzunluğu 14,33 m, qanadlarının uzunluğu 24,86 m, hündürlüyü 5,41 m-dir. WZ-7 650 kq yükgötürmə qabiliyyətinə malikdir.
Strategyvision.org

Teq:


Oxşar məqalələr
Son əlavə olunanlar