Türkiyənin daha bir şirkəti bulud altında uçan PUA-larını təqdim etdi - VİDEO

 Türkiyənin daha bir şirkəti bulud altında uçan PUA-larını təqdim etdi -  VİDEO
1962     14:11     03 11 2021    
Türkiyənin POLSAN və HAVELSAN-ın törəmə şirkəti olan BIOTEKSAN inkişaf etdirdiyi Pilotsuz Uçuş Aparatlarını (PUA) təqdim edib.

“Uçbey” adlı PUA ilk növbədə Türkiyənin daxili ehtiyaclarını ödəmək üçün nəzərdə tutulub.

Oktyabrın 23-də Mardinin Artuklu rayonunun çöl ərazisində zərərsizləşdirilən 2 terrorçu “Uçbey” PUA-sı tərəfindən anında yer ünsürlərinə havadan çəkilmiş görüntülərin ötürülməsindən sonra zərərsizləşdirilib.


Hüquq-mühafizə orqanlarının ehtiyacları üçün hazırlanmış “Uçbey” şaquli qalxma (VTOL) xüsusiyyəti ilə çevik şəkildə istifadə edilə bilər. 3,5 metr qanad açılımı və 22 kq qalxma çəkisi olan “Uçbey” daşıdığı faydalı yüklərlə kəşfiyyat və müşahidə missiyalarında istifadə edilə bilər. PUA elektrik mühərrikləri ilə havada 3 saat qala bilir.

Bulud altında işləyə bilən PUA-lar bu gün “xüsusi əməliyyatları” ilə diqqət çəksələr də, müxtəlif istifadə sahələrində də görünürlər. Bundan əlavə, gələcəkdə müxtəlif texnoloji inkişaflarla PUA-ların indiki ilə müqayisədə daha çoxfunksiyalı strukturları öz üzərinə götürəcəkləri düşünülür.

Xüsusilə iqtisadi səmərəliliyi və çevik istifadəsi ilə belə PUA-lar ilə bir çox fərqli funksiyada xidmət edə bilər. Fəlakət bölgələrindən tutmuş artilleriya üçün atəş dəstəyinə qədər geniş missiya profilinə malik sistemlərə maraq artır. Buna görə də, bu məhsullar yerli təhlükəsizlik ehtiyaclarını qarşılamaqla yanaşı, mühüm ixrac məhsulu olmaq potensialına malikdir.

Bu kateqoriyaya aid məhsulların inkişafı Türkiyə kimi ölkələrə havadan kəşfiyyat və müşahidə rolunu daha geniş şəkildə, daha sərfəli xərclərlə yerinə yetirmək imkanı verir.
Strategyvision.org

Teq: Türkiyə   Bulud-altı   Uçbey  


Oxşar məqalələr
Son əlavə olunanlar