Qlobal raket və raketdən müdafiə sistemləri bazarı: 2021-2031

 Qlobal raket və raketdən müdafiə sistemləri bazarı:  2021-2031
328     14:17     26 10 2021    
Qlobal raket və raketdən müdafiə sistemləri bazarı müdafiənin modernləşdirilməsi təşəbbüsləri və raket silahlanması yarışı ilə 2031-ci ilə qədər 52,3 milyard ABŞ dollarına çatacaq.

Bu barədə “GlobalData” data və analitik şirkətinin hesabatında qeyd olunub. Hesabata görə, Asiya-Sakit okean bazarının böyüməsinə təkan verən nüanslar bölgə ölkələri arasında ərazi mübahisələri və silahlı qarşıdurmalardır. Ümumi regional artımı təmin etmək üçün Avropa müttəfiqləri arasında texnologiya mübadiləsi yolu ilə raketlərin birgə inkişafı da bazarın böyüməsinə təkan verir.

Birləşmiş Ştatların siyasəti növbəti onillik ərzində bütün dünyada təkmil raketlərin və raketdən müdafiə sistemlərinin satın alınmasına yönəlib. ABŞ, Rusiya, Çin, Hindistan və digər ölkələr tərəfindən hava hücumundan müdafiənin modernləşdirilməsi və təkmil, yüksək dəqiqliyə malik zərbə raketlərinin satınalınması proqramları mövcuddur.

Hesabata görə, Böyük Britaniyanın növbəti on il ərzində raketlərə və raket əleyhinə müdafiə sistemlərinə qlobal xərcləri artıraraq 52,3 milyard ABŞ dollarına çatacağı gözlənilir.

Hesabatda qeyd olunur ki, silahlı qüvvələrin modernləşdirilməsi təşəbbüslərinin bir hissəsi kimi köhnəlmiş hava hücumundan müdafiə sistemlərinin yeni nəsil raketdən müdafiə sistemləri ilə əvəz edilməsi zərurəti Raketdən Müdafiə Sistemləri seqmentini daha da gücləndirəcək. Bazarın həcmi 2031-ci ilə qədər 22,7 milyard dollara çatacaq.

Asiya-Sakit Okean regionunun 2021-2031-ci illər ərzində ümumi raket və raketdən müdafiə sitemləri bazarında ən böyük payı (29%) alacağı gözlənilir.

Yaxın Şərqdə İsrail, Səudiyyə Ərəbistanı, Bəhreyn və Qətər, ABŞ-ın Birgə Hərtərəfli Fəaliyyət Planından (JCPOA) çıxmasından sonra İranın raket təhlükəsinə qarşı çıxmaq üçün çoxsaylı raketdən müdafiə sistemlərini təkmilləşdirib yerləşdirdikcə müdafiə xərclərini artırırlar.
Strategyvision.org

Teq: RƏM   HHM   Bazar  


Oxşar məqalələr
Son əlavə olunanlar