Türkiyə bu il 634 milyon dollarlıq müdafiə məhsulları ixrac edib - Hədəf 4 milyard dollardır

Bu barədə 61 müxtəlif sektordan olan 95 mindən çox şirkətin məlumatlarını toplayan Türkiyə İxracatçılar Məclisinin (TİM) yaydığı hesabatda qeyd olunub.

Türkiyənin müdafiə və aerokosmik sektoru 2022-ci ilin ilk iki ayında cəmi 633 milyon 998 min dollar ixrac edib.

2021-ci ilin fevral ayına sektorun Azərbaycana ixracı 1 milyon 174 min dollar təşkil edib. Bu ilin eyni dövründə bu rəqəm 448,1% artaraq 6 milyon 435 min dollar olub.

2021-ci ilin fevral ayında Birləşmiş Ərəb Əmirliklərinə 44 milyon 344 min dollarlıq məhsul ixrac edib. Bu il bu rəqəm 20,2% azalaraq 35 milyon 387 min dollar olub.

2021-ci ilin fevral ayında Burkina Fasoya 386 min dollarlıq məhsul və xidmət satılıb. Sektorun ixracı əvvəlki ilin eyni dövrü ilə müqayisədə 4117,8% artaraq 16 milyon 297 min dollar olub.

2021-ci ilin fevral ayında Ukraynaya 521 min dollar məhsul və xidmət tədarük edilib. Bu ilin eyni dövründə bu rəqəm 11023,1% artaraq 57 milyon 971 min dollar çatıb.

Eyni zamanda Qırğızıstana ixracat 46730,3% artaraq 25 milyon 983 min dollar olub.

Pakistana 25 milyon 925 min dollar, Almaniyaya 11 milyon 411 min dollar, Böyük Britaniyaya 4 milyon 799 min dollar, Fransaya 2 milyon 109 min dollar məhsul və xidmət satılıb.

Qeyd edək ki, Türkiyə Prezidenti Rəcəb Tayyib Ərdoğan bu il müdafiə ixracatının 4 milyarda çatacağını bildirib.