Polşa ordusunda PUA dövrü: “Bayraktar TB2”, “ScanEagle” və digərləri

Polşa ordusunun yüksək səviyyəli rəsmilərinin iştirak etdiyi paneldə ordu tərəfindən idarə olunan PUA-ların sayı və onlardan istifadə edən bölmələrin siyahısı açıqlanıb.

Polşa Silahlı Qüvvələri ümumilikdə 15 ədəd “Orbiter” mini PUA, 16 ədəd “FlyEye” mini PUA və 2 ədəd “Scan Eagle” qısa mənzilli PUA-dan istifadə edir.

Bunlardan başqa hələ də təhvil verilməyən və hətta yeni müqavilələrin olduğu bildirən paneldə qeyd olunan PUA-lar olduqca maraqlıdır.

Mini PUA-lar batalyon səviyyəsində kəşfiyyat dəstəyi və təhlükəsiz əməliyyatlar təmin etmək üçün istifadə ediləcək. 2023-2025 ci illər arasında 25 PUA alınması planlaşdırılır. Qısa mənzilli taktiki PUA-ların yüksək səviyyəli Quru Qoşunları briqadalarında da istifadəsi planlaşdırılır. Plana görə, 2022-2024-cü illərdə 8 sistem satın alınacaq.

Orta səviyyəli taktiki PUA-lar IMINT (foto kəşfiyyat) və ELINT (elektron kəşfiyyat) üçün istifadə ediləcək. Bunların tədarükünün 2026 və 2035-ci ildə baş verəcəyi planlaşdırılır, lakin miqdarı (13 dəst) nisbətən yüksək olacaq.

Əməliyyat səviyyəsində MALE sinfində olan PUA-ya da ehtiyac var. Bu sistemlər uzun müddət havada qala bildikləri üçün iqtisadi cəhətdən səmərəli hesab edilir. Bu sinifdəki 4 PUA sisteminin 2028-2034 -cü illərdə istifadəyə veriləcəyi bildirilir.

Bu yaxınlarda Türkiyə ilə Polşa arasında 4 ədəd “Bayraktar TB2” PUA dəstinin (24 PUA-dan ibarət) alınmasını əhatə edən müqavilə imzalanıb. Məlumata görə, “Bayraktar TB2” PUA-ları 2022-2024 -cü illərdə istifadəyə veriləcək. TB2-lər passiv kəşfiyyat və ya aktiv hücum həyata keçirə biləcəklər.