Cənubi Koreya yeni quru kəşfiyyat robotunu sınaqdan keçirməyə başlayıb

Cənubi Koreya yeni quru kəşfiyyat robotunu sınaqdan keçirməyə başlayıb
342     15:49     12 10 2021    
Cənubi Koreya ordusu “Intelligent” adlı quru kəşfiyyat robotunu sınaqdan keçirməyə başlayıb. Yeni sınaqlar piyada diviziyalarından birinin poliqonunda keçiriləcək.

Bu barədə istehsalçı “Hanwha Defense” şirkətinin mətbuat xidməti məlumat yayıb.

Cənubi Koreya ordusunun quruda kəşfiyyat üçün robot qəbul etməyi planlaşdırması bu ilin aprel ayının sonunda bildirilib. O vaxt robot bir prototip mərhələsində idi, testlər bu ilin iyul ayında planlaşdırılırdı, amma naməlum səbəbdən payıza təxirə salınıb.

“Intelligent” 2 ton ağırlığında, 500 kq yük daşıya bilən 6X6 təkər formuluna malik robot platformasıdır. Elektrik enerjisi ilə işləyən robot bir dəfə tam doldurulduqda 100 km-ə qədər məsafəni qət edə bilir. Robota nəzarət operator tərəfindən həyata keçirilir. Robotun maneələri aşa biləcəyi, yolu idarə edə biləcəyi və əvvəlcədən planlaşdırılmış marşrut üzrə müstəqil hərəkət edə biləcəyi avtonom rejimi də var.

Ağıllı robot yaralıların təxliyəsi də daxil olmaqla kiçik yüklərin aşkarlanması və daşınması üçün nəzərdə tutulub. Robot yaxın döyüşlərdə də iştirak edə bilər, bunun üçün platformada pulemyotlu modul quraşdırılıb.

Taktiki-Texniki Xüsusiyyətləri:

Çəkisi: 2 ton
Yük daşıma qabiliyəti: 500 kiloqram
Sürəti: 40 km/saat
Mühərrik: Elektrik
Silahlar: Uzaqdan idarə edilən döyüş modulu



Strategyvision.org
Oxşar məqalələr
Son əlavə olunanlar