Beynəlxalq Hərbi Radar və Sərhəd Təhlükəsizliyi Zirvəsi: “Songar” PUA-ları və “Aggöz” sistemləri nümayiş etdirilir

Sərgi ölkənin Daxili İşlər Nazirliyi, Milli Müdafiə Nazirliyi və Müdafiə Sənayesi Komitəsinin dəstəyi ilə keçirilir.

Sərgidə “Songar”ın silahlı, qumbaraatan və lazer silah versiyaları təqdim edilib.

Türkiyə Silahlı Qüvvələrinin ehtiyacları və fikirləri nəzərə alınmaqla hazırlanan “Aggöz” elektro-optik sistemləri istənilən hava şəraitində hərəkət edən və ya sabit olan hədəfləri real vaxtda müəyyən etmək, aşkar etmək və izləmək, məsafələrini ölçmək məqsədi ilə hazırlanıb. Gecə-gündüz rejimində ekipajın 360 dərəcə ekoloji məlumatlılığını təmin etmək üçün quru nəqliyyat vasitələri üçün hazırlanmış sistem yaxınlıqdakı maneələri aşkarlaya və sürücüyə təhlükəsiz sürücülük dəstəyi verə bilir.

“Songar” Türkiyə Silahlı Qüvvələrinin inventarında atəş sabitləşdiricisinə və pulemyota malik ilk milli silahlı pilotsuz sistemdir. Beynəlxalq səviyyədə patentləşdirilmiş sabitləşmə sisteminə quraşdırılan pulemyot hər uçuşda 200 ədəd patron daşımaq gücünə malikdir. Asan daşınan və yerləşdirilə bilən “Songar” silahlı pilotsuz sistem, yaxın hava dəstəyi təmin etmək üçün hazırlanan silah sistemidir. Dəyişən maqazin operatora tez bir zamanda silaha parton yükləməyə və vəzifələrini fasiləsiz davam etdirməyə imkan verir. Operatorun atəş əmri təsdiqlənənə qədər PUA vəzifəsini çoxqatlı təhlükəsizliklə avtonom şəkildə yerinə yetirir.

PUA-nın geri qayıtması, uçuş zamanı vəzifənin dəyişdirilməsi, əlaqənin itirilməsi və s. zamanı avtonom və uzaqdan idarəetmə rejimləri kimi funksiyalar, operator yükünü azaltmaq üçün nəzərdə tutulub. PUA erqonomik və istifadəçi dostu olan dizayna malikdir.