ABŞ-da 3 tonluq yeni avtonom döyüş robotları sınaqdan keçirilib - VİDEO

782 11:44 08 10 2021

ABŞ-ın müdafiə nəhəngi olan “Northrop Grumman” şirkəti ilk dəfə orta çaplı silahla təchiz edilən EMAV (Expeditionary Modular Autonomous Vehicle) adlı avtonom döyüş robotunu sınaqdan keçirib.

Şirkət saytında video da yayımlayıb. Videoda robotun 30x173 mm çaplı XM813 “Bushmaster” topları ilə təchiz edildiyi görünür.

EMAV-ın avtonomluq və qabaqcıl naviqasiya imkanları “Pratt Miller” tərəfindən hazırlanıb. 3 ton çəkisində olan robotlar saatda 72 kilometr sürətlə hərəkət edir.

3.3 ton daşıma qabiliyyətinə malik robotlar hibrid-elektrik mühərriklə təchiz edilib və buna görə səssiz hərəkət edir.

EMAV, V-22 və CH-47-də daşınmasının təmin edilməsi üçün dar gövdə ilə dizayn edilib.

Mobil, çox məqsədli EMAV taqım səviyyəsində taktiki miqyaslı piyada dəstəyi təmin etmək üçün istifadə edilir və dəqiq atəş dəstəyi təqdim edir. EMAV tam avtonomluğa sahibdir. Bununla müxtəlif maneələri aşa bilir.

Platforma komanda, idarəetmə, rabitə, kompüterlər, kəşfiyyat, müşahidə və nəzarət (C4ISR) inteqrasiyasını təmin edir.

Strategyvision.org

Teq: EMAV

Oxşar məqalələr

Son əlavə olunanlar

Hamısı