Türkiyənin sərhəd təhlükəsizliyində yeni rol - İnsansız quru platforması

Ankarada keçirilən Beynəlxalq Hərbi Radar və Sərhəd Təhlükəsizliyi Zirvəsində yeni insansız quru platforması nümayiş olunub.

Platforma sərhəd təhlükəsizliyində istifadə olunacaq və bu sahəyə yeni yanaşma gətirəcək. İnsansız quru platformaları insan həyatı üçün təhlükə yaratmadan təhlükəli nöqtələrdə daim kəşfiyyat və müşahidə apararaq “mobil patrul” missiyasını yerinə yetirəcək.

Sistemin hazırlanmasında Türkiyənin “Best Grup” və “Meteksan Savunma” özəl şirkətləri iştirak edib. Platformaya inteqrasiya edilmiş “Retinar PTR-X” müşahidə radarı hazırda Avropa və Asiyada sərhəd və kritik obyekt təhlükəsizliyi kimi sahələrdə istifadə olunur. Sistem təxminən 5 kilometr məsafədə olan insanları və təxminən 12 kilometr məsafədən olan vasitələri aşkar edə bilir.

“Retinar PTR-X” müşahidə radarı ilk dəfə insansız quru platformasına quraşdırılıb.

Quru platforması 10 km/saat sürətlə hərəkət edə bilir. 1200 kiloqram ağırlığında olan vasitə təxminən 2,5 kilometr məsafədə uzaqdan idarə oluna bilər. Platformanın üzərində hazırda 12.7 mm uzaqdan idarə olunan “Koralp” silah sistemi mövcuddur.

Yeni geliştirilen insansız kara aracı sınır güvenliğinde rol almaya hazırlanıyor