S-70 “Oxotnik” zərbə PUA-ları avtonom fəaliyyət göstərə biləcək?

Bu barədə “Suxoi” şirkətinin baş dizayneri Sergey Bibikov Rusiyanın “Zvezda” telekanalında məlumat verib.

Onun sözlərinə görə, yeni sistemdə Süni Zəka (SZ) texnologiyası var, bu texnologiya operator ilə əlaqə kəsildikdə cihazı təhlükəsiz şəkildə baza nöqtəsinə qaytarmaq üçün ekipaj funksiyalarını artıq tam yerinə yetirir.

O, həmçinin qeyd edib ki, hazırda dizaynerlər eniş zamanı yavaşlama alqoritmlərinin işini sınaqdan keçirirlər, çünki əyləc paraşütünün olmaması və şassinin dayaqlarının yeri eniş prosesi çətinləşdirir.

“Suxoy” Dizayn Bürosu tərəfindən hazırlanan “Oxotnik” zərbə PUA-ları ilk uçuşunu 2019-cu ilin avqust ayında reallaşdırıb. Uçuş operatorun nəzarəti altında 20 dəqiqədən çox davam edib. 2019-cu ilin sentyabr ayında PUA Su-57 döyüş təyyarəsi ilə birlikdə uçuş həyata keçirib. PUA reaktiv mühərrikə malikdir və təxminən 1000 km/saat sürətlə hərəkət edə bilir. Rusiya Müdafiə Nazirliyinin məlumatlarına görə, PUA elektro-optik, radar və digər növ kəşfiyyat üçün avadanlıqlarla təchiz edilib.

PUA-nın əsas Taktiki-Texniki Xüsusiyyətləri:

Uzunluğu: 14 m;
Qanad açılımı: 19 m;
Döyüş yükü: 6 ton;
Uçuş kütləsi: 25 ton;
Maksimum sürəti: 1400 km/saat;
Praktiki uçuş yüksəkliyi: 18 km;
Uçuş məsafəsi: 6000 km.