Latviya ordusu insansız quru platformaları alır

Platformaların 2021-ci ilin sonuna qədər tədarük edilməsi planlaşdırılır. Müqavilənin qiyməti barədə məlumat verilməyib.

Robotlar müxtəlif çaplı sursatların, top mərmilərinin, minaların, aviasiya bombalarının və digər partlayıcı maddələrin zərərsizləşdirilməsi üçün istifadə olunacaq. Platformalar Latviya ordusunun həm ölkə daxilindəki əməliyyatlarında, həm də sülhməramlı missiyalarında istifadə olunacaq.

“TEODor EVO” partlayıcı maddələrin və əldəqayırma partlayıcı qurğuların zərərsizləşdirilməsi üçün xüsusi olaraq hazırlaıb. Platforma teleskopik tutma qabiliyyətinə malik 6 oxlu manipulyatora malikdir və təxminən 100 kiloqram yük daşıya bilir.

“EVO HYBRID” kompakt ölçülərə və 37 kiloqrama qədər güclü qaldırma qabiliyyətinə malik çoxfunksiyalı platformaıdır. Operatorlara insana bənzər nəzarət təmin etmək üçün platforma 6 oxlu dəqiq manipulyatora malikdir. Sistem eyni zamanda dörd eyni vaxtlı video axını ilə görüntülər istehsal edən HD Pan/Tilt/Zoom kameraları ilə təchiz edilib.

"AeroVironment" kompaniyasına daxil olan "Telerob" şirkəti Almaniyanın Ştutqart şəhəri yaxınlığındakı yerləşən müdafiə və daxili təhlükəsizlik həllərinin aparıcı istehsalçısıdır. İstehsal etdiyi vaitələrə əldəqayırma partlayıcı qurğuları zərərsizləşdirmək və kimyəvi, biloji və nüvə təhdidlərini araşdırmaq üçün uzaqdan idarə olunan insansız platformalar daxildir.