Türkiyə Ordusu üçün yeni insansız quru vasitələri - ACROB

Türkiyə Milli Müdafiə Nazirliyi bildirib ki, hər cür əməliyyatda girilməyən, müşahidə olunmayan və müdaxilə olunmayan bölgələrə təhlükəsiz giriş, müşahidə və müdaxilə təmin edən platformalar Türkiyə ordusuna təhvil verilib.

Sistem kadr itkisini azaltmaq, təhlükəli ərazilərdə kəşfiyyat və müşahidə aparmaq və düşmən atəşi altında riskli tapşırıqları daha asan yerinə yetirmək üçün istifadə olunacaq.

Yüksək hərəkətlilik qabiliyyətinə malik platformalar sudan keçə, maneələri aşa və pilləkənlərə qalxa bilir, həmçinin kəşfiyyat və nəzarət funksiyalarını yerinə yetitirlər.



Müdafiə Nazirliyinin paylaşdığı fotoda "Acrop" platformaları görünür. "Elektroland Defence" şirkəti tərəfindən hazırlanan bu mini platformalar kəşfiyyat üçün nəzərdə tutulub. "Acrob" hərbi personalın girməsində risk yarana biləcəyi və ya girə bilməyəcəyi ərazilərdə istifadə edilmək üçün hazırlanıb. Bu platformalar xüsusən mağaralarda, tunellərdə və yaşayış sahəsindəki əməliyyatlarda görünməz və qaranlıq nöqtələrə əl ilə atılır, təhlükəsizlik işçilərinə riskli mühitə girmədən kəşfiyyat nəzarəti aparmağa imkan verir.