Şaquli qalxa və enə bilən “Bayraktar” PUA-sı ilk uçuşunu həyata keçirdi

2019-cu ildə ilk dəfə ictimaiyyətə təqdim olunan şaquli qalxa və enə bilən PUA-nın inkişaf fəaliyyəti “Baykar” şirkəti tərəfindən uğurla həyata keçirilib. PUA enmə/qalxma üçün dörd elektrik və uçuş üçün benzin mühərrikdən istifadə edir.

Çox kiçik arxitekturaya malik olan PUA son dərəcə aşağı radara görünmə sahəsinə malikdir. Radar sistemləri ilə aşkarlanması çox çətin olan “Bayraktar” Latviyada istehsal olunan “Octopus” adlı elektro-optik sistemdən istifadə edir. Bu elektro-optik faydalı yükü ilə 15 kilometr məsafədən lazer işarələmə həyata keçirilə bilər.

Bununla birlikdə, yerli elektro-optik sistemin inkişaf fəaliyyəti davam edir. Şaquli enmə və qalxma xüsusiyyəti ilə əhəmiyyətli vəzifələri yerinə yetirməsi gözlənilən PUA döyüş gəmilərinin helikopterlər meydançalarından da enə/qalxa biləcək.

PUA-nın 2022-ci ildə kütləvi istehsala başlayacağı gözlənilir.