Türkiyədə “Saka-1” və “Saka-2” nano PUA-larının uçuş testləri həyata keçirildi

ASELSAN orijinal, daxili və milli rabitə modemini, uçuş idarəedicisini və görüntü işləmə qurğusunu, proqram təminatını və alqoritmlərini özündə cəmləşdirən 500 qramdan az çəkisi olan “Saka” PUA-larını ilin sonunadək istifadəyə verməyi planlaşdırır.

Bu mərhələdə orijinal təyyarə platforması, hərəkət sistemi, qatlanan qanadlar, dəyişdirilə bilən batareya, kompakt təyyarə platforması və uçuşa nəzarət cihazları, proqram və alqoritmləri ehtiva edən “Saka-1” və “Saka-2” üçün inteqrasiya işləri tamamlanıb.

Minimum 25 dəqiqəlik uçuş müddəti, 3 km məlumat və görüntü ötürmə diapazonu, ehtiyaclara uyğun olaraq tənzimlənə bilən bənzərsiz uçuşa nəzarət sistemi PUA-nın performansını artırır.

“Saka-1” PUA sistemi ilə birlikdə inkişaf fəaliyyətləri paralel olaraq davam etdirilən “Saka-2” PUA-sı 950 qram ağırlığa malikdir. Həcmi daha böyük olacaq olan “Saka-2” platforması da xüsusi bölmələr tərəfindən də istifadə ediləcək.

“Saka-2” sistemi 3 oxlu lokal görüntü sisteminə malik olacaq. PUA-lar görüntü əsaslı hərəkət qabiliyyətinə malik olacaq və radio əlaqə kəsildiyi təqdirdə geri dönüş həyata keçirə biləcək.

“Saka”ların kütləvi istehsalının ASELSAN-ın çoxrotorlu PUA sahəsindəki törəməsi olan “Dasal” aviasiya texnologiyaları şirkəti ilə birlikdə ediləcəyi bildirilir.