ABŞ HHQ bazalarını qorumaq üçün bombaları zərərsizləşdirən robotlardan istifadə edəcək

ABŞ Hərbi Hava Qüvvələri ilə “L3Harris” arasında 20 illik EOD robotlarının yerini alacaq 170 ədəd T7 bomba zərərsizləşdirmə robotu və robotlara texniki və logistik dəstək üçün müqavilə imzalayıb.

10 il müddəti olan müqavilənin ümumi dəyəri 85 milyon dollardır. Robotların ilk tədarükü 2022-ci ilə planlaşdırılır.

“L3Harris” bu yaxınlarda İngiltərənin STARTER proqramı çərçivəsində sifariş edilən, ümumi dəyəri 91,3 milyon funt olan 122 ədəd T7 bomba zərərsizləşdirmə robotunun çatdırılmasını tamamlamışdı. Robotlar İngiltərə, Kipr və Cəbəllütariqdə fəal şəkildə istifadə olunur.

Bomba zərərsizləşdirmə missiyalarına əlavə olaraq, T7 kəşfiyyat, müşahidə və daxili təhlükəsizlik kimi məqsədlər üçün də istifadə edilə bilər.

Taktiki-Texniki Xüsusiyyətləri:

Çəkisi: 322 kq (qolu və batareyaları quraşdırılmış vəziyyətdə)
Ölçüləri: 120,1 x 70,1 x 116,1 sm
Gücü: 8+ saatlıq işləmə müddəti (vəzifədən asılı olaraq)
Sürəti: 8+ km/saat
Radio məsafəsi: 1000+ m