İsrail şirkəti Londonda keçirilən sərgidə hibrid döyüş robotlarını təqdim edib

Robotların artıq Britaniya ordusuna tədarük edilməsi üçün müqavilə imzalanıb. Şirkət robotları digər Avropa ölkələrinə satıb, ancaq konkret hansı ölkələrin olması barədə məlumat verilməyib.

Yüngül insansız quru platformasının hazırlanmasında IAI şirkəti robot vasitələri qurma təcrübəsindən istifadə edib.

REX bir çox missiyanı yerinə yetirə bilər və tam ötürücülü təkmilləşdirilmiş manevr qabiliyyəti, maneələrə qalxma qabiliyyəti, əhəmiyyətli dözümlülük və 1,3 tonluq böyük yükləmə qabiliyyəti təklif edir.

Hibrid elektrikli robot mühərriki işə salmadan müəyyən vəzifələri yerinə yetirə bilir.

Robot amfibiya tiplidir, yəni həm quruda, həm dənizdə işləyə və avtonom missiyaları yerinə yetirə və ya uzaqdan operator tərəfindən idarə oluna bilər.

Platforma kəşfiyyat toplama, maddi-texniki dəstək və ya uzaqdan hücumlara yönəlmiş piyada və xüsusi qüvvələri dəstəkləmək üçün hazırlanıb.

REX müxtəlif kalibrli pulemyotlar, bölmələr üçün müşahidə və kəşfiyyat aparmaq imkanı verən elektro-optik sensorlar və radar sistemi ilə təchiz olunub.