ABŞ RQ-7B “Shadow” PUA-larını əvəz edəcək taktiki sistemlər axtarır

Ordu RQ-7B “Shadow” PUA-larının dəyişdirilməsi üçün müxtəlif təkliflər qəbul edir.

Məlumata görə, uçuş-enmə zolağından asılı olan RQ-7B “Shadow”larını əvəz etmək üçün şaquli olaraq havaya qalxa və enə biləcək daha sakit taktiki PUA-lar alınacaq.

ABŞ Ordusu yeni PUA-ların 2023-cü ilədək təhvil verilməsini tələb edir.

Qeyd edək ki, ABŞ Ordusunun yüksək səviyyəli aviasiya rəsmiləri mart ayında 30 illik RQ-7B “Shadow”u əvəz edə biləcək dörd PUA-nın nümayişini izləyiblər.

RQ-7 ABŞ Ordusu, Avstraliya Ordusu, İsveç Ordusu, Türkiyə Hava Qüvvələri və İtalya Ordusu tərəfindən kəşfiyyat, müşahidə, hədəf əldə etmə və döyüş ziyanının qiymətləndirilməsi üçün istifadə edilən PUA-dır.

PUA-nın Taktiki-Texniki Xüsusiyyətləri

Uzunluq: 3.41 m
Qanad açılımı: 3.87 m
Hündürlüyü: 1.0 m
Boş çəkisi: 77 kq
Mühərrik: 1 × Wankel
Maksimum sürət: 00 km/saat
Kreyser sürəti: 130 km/saat
Mənzil : 109.5 km
Uçuş müddəti: 6 saat
Əməliyyat hündürlüyü: 4.600 m