Rusiya yeni 4 tonluq insansız sualtı platformanı sınaqdan keçirir

Rusiya yeni 4 tonluq insansız sualtı platformanı sınaqdan keçirir
578     15:30     07 09 2021    
Rusiya Hərbi Dəniz Qüvvələri Uzaq Şərq bölgəsində “Klavesin-2R-PM” adlı insansız sualtı platformanı sınaqdan keçirir.

Bu barədə “İzvestiya” nəşri Rusiya Müdafiə Nazirliyindəki mənbəyə istinadən yazıb.

Məlumata görə, nazirlik platformanın sınaq planını təsdiqləyib, buna əsasən sınaq qrupuna cihazın dayaz dərinliklərdə işləməsini məhdud manevr şəraitində sınaqdan keçirmək tapşırılıb. Sakit Okean Donanmasının “Marşal Qelovani” adlı hidroqrafik gəmisi platformanın daşıyıcısı kimi çıxış edir.

“Klavesin-2R-PM” sələfindən daha böyükdür və uzunluğu təxminən 7 metrə çatan miniatür sualtı qayığa bənzəyir. İnsansız platformanın çəkisi təxminən 4 tondur. 6000 metr dərinliyə daxil ola, 50 kilometr məsafəyə hərəkət edə bilir.

Daşıyıcı gəmidən ayrıldıqdan sonra proqrama uyğun olaraq işə başlayır, lakin lazım gələrsə operator onu idarə edə bilər. Platforma müxtəlif təyinatlı sensorlar, videokameralar daşıyır.

"Klavesin" bir çox vəzifəni yerinə yetirə biləcək: obyekti müşayiət etmək, video çəkmək, hidroakustik parametrləri qeyd etmək, mövcud vəziyyətə nəzarət etmək.
Strategyvision.org
Oxşar məqalələr
Son əlavə olunanlar