Rusiyanın “Qrom” zərbə PUA-ları üçün istifadə edilən raketlər açıqlanıb

Rusiyanın Taktiki Raket Şirkəti (KTRV) PUA sistemləri üçün iki fərqli 100 kq-lıq döyüş sursatı təqdim edib.

KTRV şirkəti sərgilənən döyüş sursatı haqqında bəzi detallı məlumatları açıqlamasa da, nümayiş olunan 2 sursatdan biri, əvvəlki forumda təqdim olunan “Produkt 85” sursatı idi.

“Janes”in verdiyi məlumata görə, “Produkt 85” döyüş sursatı bir növ “hava-yer” raketidir. Raket 30 kq ağırlığında yüksək partlayıcı başlığa malikdir. Raketin uzunluğu 2400 mm, diametri 200 mm və ümumi çəkisi 120 kq-dır. “Produkt 85” müxtəlif uçuş mərhələlərində peyk naviqasiyası ilə idarə oluna bilinir.

“Kronştadt” şirkəti tərəfindən istehsal edilən “Qrom” PUA-larının Taktiki-Texniki Xüsusiyyətləri:

Uçuş çəkisi: 7 ton
Qanad açılımı: 10 metr
Hündürlüyü: 3.8 metr
Uzunluğu: 13.8 metr
Faydalı yükü: 1,3 ton (digər mənbələrə görə 2 ton)
Sürəti: 1000 km/saata qədər
Kreyser sürəti: 800 km/saat
Əməliyyat hündürlüyü: 12000 metr
Mənzil: 800 km