Rusiya ordusu payızda “Altuis” zərbə PUA-larını əldə etməyi planlaşdırır

Rusiya ordusu payızda “Altuis” zərbə PUA-larını əldə etməyi planlaşdırır
490     11:25     27 08 2021    
Bu ilin payız aylarında Rusiya ordusu Altuis” zərbə PUA-larını silahlanmaya qəbul edə bilər.

Bu barədə Rusiya Müdafiə nazirinin müavini Aleksey Krivoruçko “Ordu-2021” forumundakı çıxışı zamanı məlumat verib.

Qeyd olunur ki, Rusiya ordusu artıq “Forpost” və “Orion” kimi yüngül PUA-lardan istifadə edir. “Altius” isə ağır PUA sinfinə aiddir.

Əlavə olaraq, forumda “Forpost-R” zərbə PUA-larının kütləvi istehsalı üçün müqavilələr imzalanıb.

“Altius” “OKB Sokol” (əvvəllər Simonov Dizayn Bürosu kimi tanınırdı) və “Tranzas” şirkətləri tərəfindən Rusiya Hərbi Hava Qüvvələri və Hərbi Dəniz Qüvvələrinin ehtiyaclarına uyğun kəşfiyyat, zərbə və radioelektron missiyaları həyata keçirmək üçün hazırlanan, çəkisi 5 tona qədər olan orta əməliyyat hündürlüyü və uzun uçuş müddətinə malik PUA-dır. Proqram 2011-ci ildə başlayıb.

“Altius” ABŞ istehsalı olan RQ-9 “Reaper” və RQ-4 “Global Hawk” PUA-larının zərbə və kəşfiyyat qabiliyyətləri ilə müqayisə edilir.

Taktiki-Texniki Xüsusiyyətləri

Boş çəki: 6.000 kq
Maksimum qalxma çəkisi: 8.000 kq
Faydalı yükü: 1000 kq
Mənzil: 10.000 km
Uçuş müddəti: 24 saat
Uçuş hündürlüyü: 12,000 m
Strategyvision.org
Oxşar məqalələr
Son əlavə olunanlar