STM mini PUA-lar ilə IDEF-ə damğasını vurdu

  STM  mini PUA-lar ilə IDEF-ə damğasını vurdu
597     14:02     27 08 2021    
Yenilikçi və milli sistemlər inkişaf etdirərək Türkiyənin müdafiə sənayesində əhəmiyyətli rol oynayan STM şirkəti ən son məhsullarını IDEF-21 sərgisində nümayiş etdirdi.

Türkiyənin ilk milli freqatı olan “İstanbul”(F515), “Ada” sinif korvet, TS 1700 sualtı və sahil mühafizəsi gəmiləri sərgidə iştirakçılara təqdim edildi. STM şirkətinin taktiki mini PUA sahəsindəki yeni həlləri də IDEF-də böyük diqqət çəkdi. Dünyanın qabaqcıl müdafiə sənayesi sərgilərindən biri olan 15-ci Beynəlxalq Müdafiə Sənayesi Sərgisi (IDEF-21) 17-20 Avqust 2021 tarixləri arasında İstanbulda keçirilib. Türkiyə Müdafiə Sənayesi Komitəsinin rəhbərliyi ilə əhəmiyyətli layihələrə imza atan STM Müdafiə Texnologiyaları Mühəndislik və Ticarət şirkəti IDEF-də milli mühəndislik imkanları ilə inkişaf etdirdiyi yenilikçi məhsullarını sənaye ilə bir araya gətirdi.

“İstanbul” freqatı və MİLGEM ön sıralarda


STM şirkəti yeni hərbi dəniz platformalarını IDEF-də sərgiləyib. “İstanbul” (F-515) freqatı, “Ada” korveti, logistika dəstək gəmisi, OPV-1900 patrul kateri və TS-1700 sualtı gəmisi ziyarətçilərə təqdim edilib. STM şirkəti ilk dəfə IDEF-21 sərgisində 3 fərqli sahil mühafizə gəmisini və yüksək sürətlə manevr edilə bilən, “yer-yer” idarə olunan raketlərlə hücum inkişaf etdirə biləcək MPAC platformasını təqdim edib.

Taktiki mini PUA sistemlərində yeni məhsullar nümayiş etdirildi


Taktiki mini PUA istehsalında Türkiyənin qabaqcıl şirkətlərindən biri olan STM şirkəti bu sahədə yeni məhsulları ilə sərgidə iz buraxdı. Təhlükəsizlik qüvvələri tərəfindən uğurla istifadə edilən və bu il ixracat müvəffəqiyyəti əldə edən “Kargu” kamikadze PUA-sı, bu il Türkiyə Silahlı Qüvvələrinin arsenalına daxil olması planlaşdırılan “Alpagu” sabit qandalı kamikadze PUA-sı və “Togan” müşahidə PUA-sı sərgidə böyük maraq gördü. STM şirkəti bu sinifdə inkişaf etdirdiyi yeni həllərini ilk dəfə IDEF-21 sərgisində nümayiş etdirdi. Bu çərçivədə döyüş sursatı buraxan “Boyga” PUA-sı, idarəolunan döyüş başlığı olan “Kargu” və zirehdəlici sursat daşıyan “Kargu” təqdir edildi.

STM IDEF-də 40-dan çox ölkəni qəbul edib


İxracat uğurunu dəniz layihələri və taktik mini PUA-larda davam etdirmək istəyən STM şirkəti müdafiə nazirləri, qərargah rəisləri, birlik komandirləri də daxil olmaqla, IDEF-də bir çox yüksək səviyyəli nümayəndə heyətini qəbul edib. 40-dan çox ölkədən 100-ə yaxın nümayəndə heyəti ilə keçirilən görüşlərdə STM şirkətinin mühəndislik imkanları və məhsulları haqqında məlumat verilib, əməkdaşlıqlar müzakirə edilib. Bir çox yerli və xarici mətbuat nümayəndəsi də STM məhsullarına maraq göstərib.
Strategyvision.org
Oxşar məqalələr
Son əlavə olunanlar